لو سافرت في الة الزم ساعه هتروح فين وهتعمل ايه ؟؟؟؟

ياتري الواحد ممكن يستخدمها ؟؟
ولو
استخدمها حيروح فين ؟؟

فكرت
وقولت لو ان الحظ كان من نصيبي وجاتلي الفرصه دي

ليه مرجعش لتاريخ معين واقابل وابلغ نفسي
بأن اله الزمن حقيقه
؟؟
وفعلا اتفقت مع نفسي
وانا قاعد ان لو جاتلي الفرصه

في المستقبل وركبت اله الزمن

حرجع
لتاريخ 10 \10\2001
وبالتحديد
للساعه اللي قاعد فيها حالا في البلكونه

ركزت جدا
وكتبت التاريخ والساعه علي برواز
كبير علي الحائط
اتوقع ان
عمر البرواز حيبقي معايا طويل ومش حغيره

كده انا مش
حنسي التاريخ ابدا لمده 20 سنه علي الاقل لو عطاني

ربنا
العمر
وفجأه الباب خبط !!

قلبي
اتنفض بين ضلوعي
الخبطه
دي خبطتي انا
انا حاسس بكده
قعد قلبي يدق
.. ويدق





وانا مرعوب ازاي حقف قدام نفسي


الحلم
والخيال بقي حقيقه

بس لما الحلم والخيال يجي الواقع
بتبقي
صعبه جدا ..ومرعبه
الباب خبط تاني ..


واضح اني مصمم ادخل ..

قربت من
الباب وبصيت من العين السحريه

لقيت اللي
واقف حاطط ايده عليها
قولت : مين بيخبط
رد عليا صمت تام

سألت تاني
نفس السؤال
مفيش رد

الحل ايه
؟؟
افتح
والاقي نفسي قدام نفسي ؟؟؟؟

طيب قلبي حيتحمل الكلام ده ؟

ياتري شكلي حيبقي عجوز اوي ولا في سن الكهوله ؟

انا حفتح الباب وارجع لورا بهدوء
واقعد علي اقرب كرسي
واشوف ايه اللي حيحصل





ربنا يستر
فتحت الباب
ورجعت بسرعه
محدش زق الباب يعني

قعدت
وقولت :
ادخل

بدأ الباب
يتحرك ببطئ شديد

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 600x600 .

ببطئ حسيت اني عاوز ادخل انام

شويه لحد
مينتهي
واتفتح
الباب بالكامل
ورفعت عيني من تحت لفوق وشوف اللي واقف

طلع بيوميصاحبي !!

يخرب عقلك يا
بيومي.. ايه اللي جابك دلوقتي

وجاي
عاملي جو رعب

دخل وهو فطسان من الضحك وقالي :
ايه اللي
عملته ده ؟ فتحت الباب وروحت تستخبي ؟؟

انفعلت
عليه وقومت قولتله :
بص اتكل علي الله دلوقتي انا
اعصابي بايظه
ومش
مستحمل دمك التقيل وسخافتك دي

ضحك وراح
ناحيه الباب وقال :
بس متنساش بس مشوارنا بتاع بكره الصبح

انا جيت
افكرك بس
قولتله :
روح ياجدع ..

مش كفايه
ان اسمك بيوميوليك نفس
تتكلم
المهم مشي
وقفلت الباب
لقيت اللي
طلعلي من البلكونه وبيقولي ::


كويس انك مشيته يا احمد
احنا حنتكلم كتير اوي وحعرفك حاجات كتير اوي


بس الوقت ضيق جدا وأله الزمن
بتديني ساعه واحده بس كل يوم

طبعا انا
نشفت بمعني الكلمه
والكرسي
مكانش جنبي فقعدت علي الارض وانا
فاتح بقي
زي نفق احمد حمدي
انا واقف قدام نفسي
يا جماعه
بس من غير مرايه
وكمان شعري ابيض !!



يتبع